| asd 的个人资料☜♥☞مطشم شعره☜♥☞照片日志列表 |  工具  帮助 |
|
|
12月16日 .....يا عيباهـ....
احم حمات يالله حي كل من لفانا يالله حيه هذا الله يسلمكم بالعشر الاواخر كان فيه فطور جماعي في بيت جدي وفي العشر الاواخر كان الجو رهيب كان خوالي كلهم جالسين بالحوش وفارشين الزوالي المهم وحنا جالسين دقت علي أمي(لغير الناطقين بالعربيه ماما) تقولي ان فيه جلال في سيارتي خل احد يجيبه قلت لها ابشري توني بنادي اخوي الصغير ابعطيه المفتاح علشان يجيب الجلال وتجي في بالي الفكرة الجهنميه واطلع بالشارع اخذ الجلال وافسخ الشماغ في الشارع والبس الجلال وادخل عليهم مهوب انواع التبليم كل واحد يطالع بالثاني وبعدها فتشت(جازت لي السالفه) وقلت لهم دي بعدها كلهم تغط تغط وطقوا لي ذي الصورة
للخبال موعد اخر سي يو
12月8日 يوميات مناحي ـ الحلقة الاولى ـهذا الله يسلمك مناحي شاب يسكن في احد القرى القريبة من الرياض عمره ما طب الرياض......!ـ
يوم من الأيام حب أخونا مناحي زيارة الرياض وأخبر مناحي أخته برغبته التي بدورها أخبرت زوجها.... قام زوجها ووصى واحد من عيال حارتهم اسمه خالد طبعا خالد يشتغل بالقرية اللي فيها مناحي نتركم مع بعض السوالف اللي دارت بين مناحي وبين خالد مناحي.... تصدق يا خالد ودي أشوف الفيصلية خالد.... بوديك لها قبل لا أوديك لنسيبك مناحي.... يقولون فيها كورة تدور؟ خالد.... أيه....ـ (يقول في نفسة خالد وش ذا شكله ما يدري وين ربي حاطه فيه)
الزبدة يوم دخلو للرياض مناحي.... هاهاهااااااااااي هذي الفيصلية اللي زاعجينا فيها وكبيرة ومدري وش بعد اخرتها صغيرة خالد سكت ما قال شيء شوي الا ومروا من وزارة الداخلية مناحي.... تصدق ياخالد إني ما قد شفت ذي العمارة الا بالتلفزيون خالد بينه وبين نفسه يقول وش أسوي له شوي الا ويمرون من عند الفيصلية مناحي.... بل..بل أثرهم صادقين أيه والله كبيرة والله حتى كورتها كبيرة خالد.... على فكرة يا مناحي ترى الكورة جواتها مطعم مناحي....ببيعون بطاطس مع علبة بيبسي أبو نص خالد.... لا يخوي مطعم غالي مرة مناحي.... بكم يعني؟؟ خالد.... فوق الـ(300)ريال
مناحي.... بل عمري ما كليت الله يحلل البوفية اللي عندنا بطاطس وبيبسي بريالين بس خالد.... وأزيدك من الشعر بيت الكورة تدور مناحي.... تدور!!!!!ـ خالد.... أيه تدور مناحي.... تتوقع إذا دخلت الحمام وطلعت القى اخوياي في نفس مكانهم خالد.... تستهبل مناحي.... لا ما استهبل خالد.... وش اللي ما تلقاهم في محلك...ارتح الحمام يدور معك يعني بتطلع وبتلقى أخوياك ويكملون المسيرة إالى المملكة ما درى خالد الا مناحي فتح الدريشة ويطلع راسة خالد.... خير..خير.إنشاءالله مناحي.... وش ذي ...وش ذي....كبيرة....خالد صح جواتها فاضيه خالد.... وش فاضية جواتها مكاتب واسواق مناحي.... بل وش ذا الصنصير اللي بيوصلهم لفوق...خالد طيب والخط اللي فوق وشو خالد.... هذا مكان تشوف من عنده الرياض مناحي.... وين ...وين...بدوخ خالد يقول اروح اذبه عند نسيبه اصرف لي يوم وداه عند نسيبة سعود مناحي.... تصدق يا أبو نسب إني شفت الفيصلية والمملكة والداخليه على الطبيعة
سعود....على البركة
مناحي.... الله يبارك فيك بس لازم توديني لها سعود....اوكي بوديك بس في الحلقات الجاية
مناحي....طيب والحلقة ذي وين بتوديني
سعود....بوديك للأستراحه عند أخوياي . اليوم جمعتنا هناك
مناحي....يله خلنا نروح ما عاد الاخير الساعه أربع العصر علشان نستانس قبل لا يجل الليل
سعود....الله يرحم حالك بس منب رايحين الا بعد العشاء
مناحي....بعد العشاء !! ليه بنمرح هناك؟!!ـ
سعود.... وش نمرح بنجلس هناك الين الفجر
مناحي.... ألين الفجر !!!! صدق انكم متطورين
سعود....الحين أدخل سلم على أختك وريح شوي علشان أصحيك وتروح معي للاستراحه
مناحي....خلنا نتقهوى والنوم لاحقين عليه
سعود....اللي تشوفه
راح مناحي وسلم على
مناحي... هلا والله بويخيتي
موضي... هلا والله باخوي مناحي كيف حالك وش اخبار ابوي وامي عساهم بخير
مناحي... كلهم يسلمون عليك انتي طمنيني عنك وش اخبارك..؟؟
موضي.. والله أبشرك بنعمه وعافيه نحمد الله ونشكره
مناحي... كيف سعود معك رجال ولا خرطي زي العادة
سعود... وش اللي خرطي تراكك ضيف عندنا
موضي.... كلش ولا سعود ترى ما ارضى عليه رجال وسيد الرجال بعد
مناحي...حركات والله يا مويضي صرت رومانسيه
سعود... المهم انا ابرتكم تاخذون راحتكم
طلع سعود وجلس مناحي ويا اخته لحالهم
مناحي.... تصدقين يا حظكم في الرياض عندكم كل شيء عندنا ما فيه لا الفيصليه ولا شيء
موضي .... يخوي شكلك تعبان خلني اصلح لك شاهي علشان تروق
مناحي.... أيه والله يوخيتي
---------------------------------------------------------
إخــــــــــراج
مطشم شعرهـ
تابعونا في الحلقه القادمه
11月28日 القصمان
القصيم هي احد مناطق المملكة العربيه السعودية وتقع شمال العاصمة الحبيبه الرياض وأحببت ان اطرح هذا الموضوع عن الاخوان القصيمين من باب المرح والذي أتمنى أن يتقبلونه بكل رحابه صدر
الكليجا اكله اشتهر بها اهل القصيم من كثر ما ازعجونا فيها لدرجه يقولون انها هدايا الملوك.. وكفوف الحسناوات..!!ـ
كلام اخر عن الكليجا لفت نظري كانت الكليجا من ضمن الهدايا التي تجهز بها العروس عندما تنقل إلى بيت زوجها وهي عادة مازال يتمسك بها البعض منهم إلى يومنا هذا..!!ـ
سوالف قصمان مختاره 1 ولد يسال ابوه يبه وشو افضل اختراع اخترعوه العالم الابو اسمع يا وليدي الحصاله والرخام الولد وراوووه يبوي قلتهن اسمع يا بيي اول الا طاح القرش ما تدري متاوه طايح ولا تدري وين طاح بوه اما الرخام يعلمن ان القرش طاح ويعلمن مكانه والحصاله هي اللي تخلينن نجمع القريشات..!!ـ
الولد لابوه يبه وراوه ما تشري باسهم المراعي الابو وانت وش دخلك يابيي الولد مو يبه اذا مت الفلوس بتجينن..!!ـ
الحضارم والقصمان
هناك شبه كبير بين البعض من القصمان والحضارم في حب جمع المال والشح في اخراجه حاولت انا في جدول صغير ان اضع بعض الفروقات بينهم
كالعاده الطشوميه تم الكشف عن اكبر المفاجات القصيميه وهي عباره عن البوم غنائي بعنوان ( بوه ) ولقد استطعت بعد محاولات عده الحصول على مقطع بسيط من بدايه الاغنيه
كذلك علمت المصادر الطشوميه ان الفرقة القصيمية قامت بتصوير الاغنيه بطريقه الـ فيديو كليب احد محافظات القصيم لا ويبون يفتحون قناة جديده خاصة لكليباتهم بعد فضيحة الكليب الاخير الهلي الذي انتجته روتانا ول تعرضه سوى مره واحدة وهذي صورة للكليب الذي لم يعرض سوى مرة واحده
في النهاية أتمنى من الجميع تقبل الموضوع بروح رياضيه خالص التحايا وأعذبها من مطشم شعره
11月25日 الدلخه وضحى..!!ـمرة من المرات كانت وضحى معزومة في عرس في قصر زمردة طبعا القصر ذا خيالي
وضحى بنت أول مرة تروح مثل ها لعروس عشان كذا قالت أبي أروح الكوفيرة ( مسكينة تبي تتكشخ ههههههههههه) وطقاق هي وأبوها ألين وافق يعطيها نص المبلغ قالت اهي زين نص المبلغ وباقي الفلوس نعطي الكوفيرة بعدين( متعوده على البقالات هههههههههه)ـ يوم العرس وضحى تسنتر عند باب المشغل من الساعه ثمان الصبح تحتري المشغل يفتح. فتح المشغل وتصير وضحى أول وحده قالت لها الكوفيرة وش تبين تصلحين قالت شعر ووجه قالت الكوفيرة خلينا نبدا اول شيء بالشعر سالتها الكوفير وشلون تبين شعرك قالت نفس اللي قبلي بصراحه عاجبني كثير قالت الكوفير أي وحده قالت اللي طلعت من شوي قالت الكوفيرة انتي اول وحدة؟؟؟؟ الزبده قالت الكوفيره مالي الا اوريها الكتلوج خلصنا من الشعر قالت لها الكوفيرة وشلون تبين الميك اب قالت الله يخليك خلي السكر وسط أنا هالايام أسوي ريجيم؟؟؟ قالت لها الكوفيرة وشلون تبين أصلح مكياجك قالت بكيفك سوي اللي يناسب عقب ما خلصت من الشعر والوجه قالت الكوفيره لها الفلوس قالت لها خذي هذي نص المبلغ والباقي سجليه بدفتر وأجيبه لك بعدين قالت وين ما تطلعين من هنا الا والفلوس دافعتها كامله ولا خربت شعرك والميك اب حقك. قعدت وضحى تصيح وتقول يا فرحه ما تمت. عاد كان فيه في الكوفيرة وحده تاجره شوي كملت الباقي وانفرجت راحت للبيت ولبست وكشخت وراحت للعرس طبعا في العرس جايبين مغنية مشهورة وجلست تسال اللي جنبها مهيب ذي اللي تطلع يا حظنا شفناها خخخخخخخخخخخ جاء العشاء طبعا التفتت على اللي جمبها وقالت أكيد أهل العروسه صايمين قالت ليه قالت وما تشوفين السمبوسة قالت لا هذا بوفيه مفتوح عرفت وضحى انها خاشه عرض عقب ما خلصت الأكل رحات تغسل يوم دخلت تغسل جلست تدور البزبوز( الصنبور) مالقتها التفتت على اللي جمبها وقالت الله ياخذ راعي القصر مالقى يحط الصنبور الا تحت ويوم دنقت البنت اللي كلمتها فطست ضحك وقالت لها هذي الغسالات بالليزر حطي يدك وتشتغل رجعت وضحى للبيت وراحت لامها وقالت لها يمه يمه وش اقول لك وش ما أقول جت هذيك اللي بالتلفزيون الي تلعب بالسيكل( تقصد روبي خخخخخخخ) وحاطين عشاء مفتوح بس يا يمه فيه شيء أبقوله لك بس الله يخليك لا تمنعيني أروح لزي هالعروس مرة ثانية الام اشتقت قالت وش السالفة قالت غسالاتهم مسكونه تحطين يدك يا يمه تشتغل توخرينها تسكر؟؟؟؟؟؟؟؟
على الله تكون قضيتوا وقت ممتع مع الدلخة
طشوووووووووم 11月19日 ضيف عندي وراني الويل..!!ـالسلام عليكم وأروح افتح الباب مين
يا طشومنا وش أخبارك علينا ليه ما تسال تبينا نوصل لبيتك هذانا عند بيتك |
||||
|
|
